"Bella di notte" de Paolo Zucca
A incuru de Tore Cubeddu
Dopo l'articolo la versione in italiano
Bella di notte de Paolo Zucca paret chi lompat dae unu mundu atesu. Atesu finas dae sa Sardigna. Est gasi chi deo apo castiadu custa òpera animada. Comente chi fessat una istòria de unu àteru tempus, de unu àteru logu. Apo immaginadu chi fessat unu de cussos contos chi faghent a tìmere e chi lompent dae su Nord Europa.
Pro ite est cun custos ogros e solu in custa manera chi resesso a abbaidare dae tesu unu personàgiu finas tropu sardu comente s'acabbadora, mancari chi Zucca l'apat torradu a interpretare cun una capatzidade narrativa e drammatùrgica manna.
Bella di notte est unu film de animatzione chi a s'ispetadore nche lu leat in unu mundu chi non abbisòngiat de tropu decoros pro èssere descritu. Su sìngiu est ligeru, a tretos impressionista, sa campiduras pintòricas, a tesu meda dae su modellu firtu a su cale nos ant abituadu sos bolckbuster americanos. Sos movimentos virtuales de sa cinepresa sunt mesurados, netzessàrios; sas incuadraduras casi teatrales, pro s'astratzione istilizada chi delineat caras e logos.
Giai dae sos primos faeddos, sa boghe profunda, ma non tropu, de Accorsi non nànnigat in su bratzolu de su tempus. In custu contu a nanti de sas immàgines torrat cun prepotèntzia su contu. Sa fortza de su tempus chi permitet s'isvilupu su contu faghendesi acumpangiare dae sas immàgines, sena si fàghere dominare. S'iscenegiadura est s'impalcadura sòlida subra de sa cale s'animatzione si podet limitare a decorare, a atzùnghere.
Pagos faeddos. Su fedu luminosu in su sinu de sa fèmina, su nieddu de sa terra, sa colonna sonora de ispantu de Krzysztof A. Janczak, cumponent una maja chi su cìnema solu podet donare. Bella di notte est unu mosàicu de emotziones in ue onni cosa est parte de unu echilìbriu, in ue onni elementu de sa narratzione lompet a si cumprire.
Sa candidadura a su David di Donatello est un'àtera cunfirma chi sos ogros nostros, sos de sos sardos, depent èssere capatzes de abbaidare s'istòria nostra comente chi fessant de istrangios, pro chi non fetzant s'errore tràgicu de nos fàghere a pensare chi sos contos nostros no apant interesse perunu pro su mundu; pro no nos fàghere a pensare chi nde semus infadados, pro no nos fàghere augurare chi totu in una borta totu su chi ischimus de nois finat pro èssere cambiadu cun su chi no ischimus. Prus a prestu diamus a dèpere pònnere prus ispera in sa capatzidade nostra de nos contare, torra, in una forma semper noa e diferente su chi ischimus e subra de custu fraigare sos muros fortes de sas capatzidades professionales nostras.
Bella di notte di Paolo Zucca sembra giungere da un mondo lontano. Lontano anche dalla Sardegna. È così che io ho guardato questa piccola opera animata. Come se fosse un storia di un altro tempo, di un altro luogo. Ho immaginato fosse una di quelle leggende oscure che spesso hanno origine nel nord Europa. Perchè è con questi occhi e solo così che riesco a osservare con distacco un personaggio fin troppo sardo come s'acabbadora, anche se reinterpretato grande capacità narrativa e drammaturgica da Paolo Zucca.
Bella di notte è un film d'animazione che porta lo spettatore in un mondo che non necessita di troppe fioriture per essere descritto. Il segno è leggero, a tratti impressionista, le campiture, pittoriche, lontane dalla freddezza a cui ormai i blockbuster animati americani ci hanno abituato. I movimenti virtuali della cinepresa misurati, necessari; le inquadrature quasi teatrali, per l'astrazione stilizzata con cui delinea volti e luoghi.
Fin dalle prime parole, la voce profonda, ma non troppo, di Accorsi ci culla nell'andirivieni del tempo. In questa piccola storia, torna prepotentemente davanti alle immagini il racconto. La forza della scansione temporale in cui si sviluppa la vicenda si fa accompagnare dalle immagini, ma non si fa dominare. La sceneggiatura è una impalcatura solida su cui l'animazione può limitarsi a decorare e aggiungere.
Poche parole. Il feto luminoso nel ventre della donna, il nero della terra, la colonna sonora meravigliosa di Krzysztof A. Janczak, compongono una magia che solo il cinema può offrire. Bella di notte è un mosaico di emozioni in cui ogni componente diventa parte di un equilibrio in cui ogni elemento della narrazione giunge a compimento.
La candidatura al David di Donatello è l'ennesima conferma che i nostri occhi, quelli dei sardi, devono essere capaci di osservare la nostra vicenda da stranieri, per non incorrere nel tragico errore di pensare che le nostre leggende non abbiano nessun interesse per il mondo, per non pensare che siamo stufi, per non augurarci che d'un tratto tutto quello che sappiamo di noi stessi finisca per essere sostituito da un'incognita. Piuttosto dobbiamo sperare nella nostra capacità di raccontarci, di nuovo, in una forma sempre diversa ciò che sappiamo e su questo costruire le mura solide delle nostre capacità professionali.
5 marzo 2014